Saturday, December 25, 2004

எழுத்துரு மாற்றிகள்

a) பொங்குதமிழ் யுனிகோட் எழுத்துரு மாற்றி
ஏற்கனவே வெவ்வேறு வேறு எழுத்துருக்களில் தட்டச்சு செய்த செய்திகளை "பொங்குதமிழ்" யுனிகோட் எழுத்துரு மாற்றியின் மூலம் யுனிகோடுக்கு மாற்ற கீழ்கண்ட சுட்டியை தட்டுங்கள். மேலும் "பொங்குதமிழ் மாற்றி"யை உங்கள் கம்ப்யூட்டரிலேயே Save as போட்டு சேமித்து வைத்து பயன்படுத்தலாம்.

http://www.suratha.com/reader.htm

இதில் பல்வேறு எழுத்துருக்களிலிருந்து யுனிகோடு தயாரிக்கும் முறையாகும். இங்கு உள்ளீடு எந்த எழுத்துருவாக இருந்தாலும் வெளியீடு யுனிகோடாகத்தான் இருக்கும்.

b) டிஸ்கி எழுத்துரு மாற்றிகள்
அ) நீங்கள் ஒரு மின்மன்றத்தில் உருப்பினராக விரும்புகிறீர்கள். அம்மன்றம் டிஸ்கி எழுத்துரு பயன்படுத்துகிறார்கள். ஆனால் உங்களுக்கு பாமினி விசைப்பலகை முறைதான் தெரியும் என்றால், கீழ்கண்ட எழுத்துரு மாற்றியை பயன்படுத்திக்கொள்ளவும்.

http://www.suratha.com/bamini2tsc.htm

முதல் கட்டத்தினுள் உங்களின் வார்த்தைகளை Paste செய்து Enter அல்லது Mouse பட்டனை தட்டுங்கள். இப்பொழுது இரண்டாவது கட்டத்தினுள் டிஸ்கி எழுத்துருவை காண்பீர்கள். பிறகு வழக்கமான காப்பி பேஸ்ட் சமாச்சாரம்தான்.

இந்த எழுத்துரு மாற்றியை பெற்றுக்கொள்ள நீங்கள் ஒவ்வொரு தடவையும் சுரதாவின் இணையதளத்திற்கு வரவேண்டிய அவசியம் இல்லை. இப்பக்கத்தில் நீங்கள் இருக்கும் போது Save as போட்டு உங்களின் Desktop-ல் சேமித்து வைத்துக்கொள்ளலாம். இணையத்தின் இணைப்பு இல்லாமலேயே வேலைசெய்யும்படி எழுத்துரு மாற்றியை வடிவமைத்திருக்கிறார்கள்.

சிலர் தமிழை ஆங்கிலத்தில் எழுதுவார்கள்.

உதாரணமாக:
அம்மா : ammaa
ஆடு : aadu

அதாவது தமிழ் தட்டச்சு பழக்கம் இல்லாதவர்கள் மட்டுமே இதைப்போல எழுதுவார்கள். முரசு அஞ்சலுடைய டிஸ்கி மென்பொருள் தங்க்லீஸ் பழக்கம் உள்ளவர்களுக்கு மிகப்பயனுள்ளதாக இருக்கும்.

அதே சமயத்தில் இண்டெர்நெட் கஃபே மற்றும் நண்பர்களின் கம்ப்யூட்டரிலிருந்து ஓசி இணைய விஷிட் அடிப்பவர்களுக்கு, முரசு அஞ்சல் மென்பொருள் (size of a2kse_full is 2.4 MB) பொ¢தாக இருப்பதால் பதிவிறக்கம் செய்வது கடினமாக இருக்கலாம். அதற்கு கீழ்கண்ட ரொமானிஸ்டு டூ டிஸ்கி எழுத்துரு மாற்றியை பயன்படுத்தினால் இந்த பிரச்சினை நீங்கிவிடும்.

Romonised to Tscii font converter
http://www.jaffnalibrary.com/tools/Tsc.htm

நீங்கள் முதல் கட்டத்தினுள் ammaa என்று டைப் செய்தால் இரண்டாவது கட்டத்தினுள் அம்மா என்று தெரியும். பிறகு copy செய்து மன்றத்தில் பயன்படுத்திக் கொள்ளலாம்.

மற்ற எழுத்துருவை டிஸ்கி-க்கு மாற்றுவது எப்படி?
முதலில் பொங்குதமிழ் யுனிகோட் எழுத்துரு மாற்றியை (Pongku Tamil Unicode converter) பயன்படுத்தி முதலில் யுனிகோட் எழுத்துருவாக மாற்றுங்கள். பிறகு அதனை யுனிகோட் டு டிஸ்கி எழுத்துரு மாற்றியைப் (Unicode to Tscii converter) பயன்படுத்தி டிஸ்கி எழுத்துருவாக மாற்றி பயன்படுத்திக் கொள்ளலாம்.

Step 1: பொங்குதமிழ் யுனிகோட் எழுத்துரு மாற்றி
http://www.suratha.com/reader.htm

Step 2: யுனிகோட் டு டிஸ்கி எழுத்துரு மாற்றி
http://www.suratha.com/uni2tsc.htm
மேலும் விளக்கம் தேவைப்படுவோர் மட்டும் கீழ்கண்ட செய்தியை படியுங்கள்.

உதாரணமாக, நீங்கள் தாயகத்திற்கு திரும்பும் போது உங்கள் பாக்கெட்டுகளில் மீதி உள்ள வெளிநாட்டு கரன்சிகளை பயன்படுத்தி சாமான்கள் வாங்க இயலாது. எனவே, இந்திய ரூபாயாக மாற்றி பிறகு நமக்கு தேவைப்பட்ட கடைகளில் போய் சாமான்கள் வாங்கிக் கொள்கிறோம் அல்லவா, அதுபோலத்தான்.

இன்னும் பல்வேறு எழுத்துரு மாற்றிகளை கீழ்கண்ட தளத்திலிருந்து பெற்றுக்கொள்ளலாம்:
http://www.suratha.com/

No comments: