யுனிகோடு உமர் அவர்களின் மறைவு

தேனீ யுனிகோடு எழுத்துருவை தமிழ் உலகத்திற்கு தந்த உமர் அவர்கள் இன்று (12.07.2006) மாலை 5.30 -க்கு இவ்வுலகத்தை விட்டு மறைந்தார்.

யுனிகோடுவின் பல்வேறு வகை பயன்பாடுகள் மற்றும் RSS ஓடை பற்றிய கட்டுரைகளோடு இவரின் தமிழ் அகராதியும் பிரபலமானவை. யுனிகோடுவின் வளர்ச்சி பற்றி பேசப்படும் தளங்கள் மற்றும் மடலாற்குழுமங்களில் உமர் அவர்களின் கட்டுரைகளை காணலாம்.

அனைத்து தளங்களிலும் பயன்படுத்தும் வகையில் இயங்கு எழுத்துரு (THENEE.eot) தயாரித்து அனைவரின் நேரத்தையும், சிரமத்தையும் குறைத்தவர் உமர் அவர்கள்.

உமர் அவர்கள் அதிராம்பட்டிணத்தைச் சேர்ந்தவர் என்பது குறிப்பிடத்தக்கது.

சொந்த தளத்தில் பிளாக்கர் பதிவு

சொந்தமாக இணையதளம் தொடங்கும் ஆசை இருந்தாலும் அதற்கான வடிவமைப்பு மற்றும் கட்டுரைகளை வரிசைப்படுத்துதல் போன்றவற்றின் ஏற்படும் சிரமங்கள் உங்கள் ஆசையில் மண்ணை அள்ளிப் போடுமானால், பிளாக்கர் தரும் வசதியை பயன்படுத்திக்கொள்ளுங்கள். இதன் மூலம் திரட்டி வசதியை எளிதாக பெற்றுக்கொள்வீர்கள்.

ஏற்கனவே பிளாக்கர் வலைப்பதிவுகளை பயன்படுத்தும் நண்பர்கள், (பழைய பதிவுகளுக்கு எந்த நஷ்டமும் வராமல்) அதனை தமது சொந்த தளத்தில் நிறுவமும் இவ்cவழியை பின்பற்றலாம்.

இச்செய்தி html பற்றி அறிந்தவர்களுக்கு புதிய விஷயம் இல்லையென்றாலும், மற்றவர்களுக்கு பயன்படட்டும் என்ற நோக்கில் பதிகிறேன்.

Settings >> Publishing >> via FTP



படத்தை பெரிதாக பார்க்க அதன் மேல் சொடுக்குங்கள்.

திரட்டியை நிறுவ [Site Feed]:


பெட்டகத்தை நிறுவ [Archive]:


குறிப்புகள்:
1) நிறுவும்போது பிரச்சினை ஏற்பட்டால் FTP என்பதற்கு பதிலாக தவறுதலாக SFTP என்பதை தேர்ந்தெடுத்தீர்களா என்று சரிபார்த்துக்கொள்ளுங்கள். மறக்காமல் FTP-ஐ தேர்ந்தெடுங்கள்.
2) தளத்தின் துணை Directory-யில் நிறுவ விரும்புகிறவர்கள் அதற்கேற்றவாறு மாற்றிக்கொள்ளுங்கள்.
3) FTP password-ஐ சேமிக்கவேண்டும் என்ற நிர்பந்தம் இல்லை. தேவைப்படும்போது அதுவாக உங்களிடம் கேட்டும்.
4) Password-ஐ உங்கள் தளத்தில் சேமித்து வைக்காததால் மற்றவர்களால் மறுமொழி இடமுடியாது என்று நினைக்க வேண்டாம். மறுமொழி இடமுடியும்.
5) உங்கள் பிளாக்கர் டெம்ப்ளேட்டில் உள்ள CSS Script-களை
TopStyle Lite 3.10 -ல் இட்டு வடிவமைப்பை மாற்றியமைக்கலாம்.
6) நிறுவும் முன்பாக தளத்தின் பழைய கோப்புகளை Backup எடுத்து வைத்துக்கொள்ளுங்கள்.
7) வேறு பிரச்சினைகள் எதிர்கொண்டால் மறுமொழியில் தெரிவியுங்கள்.

இவ்வகையில் உருவாக்கப்பட்ட ஒரு தளம்

மேலும் சில எழுத்துரு மாற்றிகள்

1. மேற்கோள்குறிகள் (inverted comma) சீர்மை
ஆரம்பம் மற்றும் இறுதி குறியீடுகள் தட்டச்சு செய்த இடங்களில் "பெட்டி, பெட்டியாக" காட்சி தந்தாலும் தொடராக எழுதப்பட்ட மூன்று புள்ளிகள் (...) வேறு எழுத்தாக உங்கள் இணைய உலாவியல் காட்சி தந்தாலும், உங்கள் செய்திகளை இங்கு இட்டு சீரமைத்துக்கொள்ளுங்கள். திஸ்கி (Tscii) எழுத்துருக்களில் தட்டச்சு செய்தவைகளை யுனிகோடு எழுத்துருவில் மாற்றும்போது இப்பிரச்சினை வரலாம். குமுதத்திலிருந்து மாற்றியமைக்கப்பட்டவையும் இதுபோல பிரச்சினைகளுக்கு ஆட்படுவதுண்டு.

அதாவது பிரத்யேக மேற்கோள்குறிகளை கண்டுபிடித்து அதற்கு பதிலாக சாதாரண மேற்கோள்குறிகளை இடும் பணிகளை இந்த மாற்றி (Converter) செய்யும்.

பிளாக்கர் வலைப்பதிவுகளில் உள்ள மேற்கண்ட செய்திகளை சீரமைக்க, Edit --> html mode (do not use compose mode) பகுதிக்குச் சென்று, அங்குள்ள செய்திகளை முதல்பெட்டியில் இட்டு Enter-ஐ தட்டி, பிறகு இரண்டாவது பெட்டியில் தெரியும் செய்திகளை மீண்டும் பழைய இடத்தில் Paste செய்துக்கொள்ளுங்கள். எழுத்துகள் மற்றும் Script ஆகியவற்றிற்கு எந்த பாதிப்பும் வராது.

Inverted comma correction


2. கவிப்பிரியா to யுனிகோடு
சுரதாவின் கன்வர்ட்டரை மாதிரியாக கொண்டு வடிவமைக்கப்பட்டாலும் முற்றிலும் புதிய எழுத்துருக்கான மாற்றியாகும். கவிப்பிரியா என்ற எழுத்துரு தினமணி தளத்தில் பயன்படுத்தப்படும் எழுத்துருவுடன் ஒத்துபோவது போல் தோன்றினாலும் உயிரெழுத்துக்கள் மற்றும் இன்னும் பல எழுத்துக்களில் முற்றிலும் மாறுபடுகிறது.

கவிப்பிரியா எழுத்துருவை பயன்படுத்தும் ஒரு வாரஇதழ் வெளியீட்டாளர் கேட்டுக்கொண்டதற்கிணங்க (அவர்களின் தளத்தை யுனிகோடில் மாற்றியமைக்க) இதனை உருவாக்கினேன்.

Kavipriya2Unicode


3. பாமினி to யுனிகோடு
இதற்கு முன்பு சுரதாவின் பாமினி to யுனிகோடு எழுத்துரு மாற்றியை சீரமைத்திருந்தேன். அதில் மேலும் ஒரு குறைபாடு கண்டுபிடிக்கப்பட்டு சீரமைத்துள்ளேன்.

Bamini2Unicode


4. "T_" என ஆரம்பிக்கும் எழுத்துருக்களின் யுனிகோடு மாற்றி
இது T_Bamini, T_sarukesi, T_singari, T_singaram, T_Roja, T_Aruvi... போன்ற பெயர்கள் கொண்ட எழுத்துருக்களின் யுனிகோடு மாற்றி. இது பாமினி குடும்பத்தை சேர்ந்ததுபோல் காட்சி தந்தாலும் சில விஷயங்களில் மாறுபட்டு காணப்படுவதால் தனியாக ஒரு எழுத்துருமாற்றி உருவாக்கியுள்ளேன்.

T_fonts2Unicode


5. யுனிகோடு to பாமினி
தற்பொழுது யுனிகோடு to பாமினியும் சீரமைத்து தந்துள்ளேன். இது பொதுவாக புத்தக வெளியீட்டாளர்களுக்கு பயனுள்ளதாக இருக்கும் என எதிர்பார்க்கிறேன்.

Unicode2Bamini



மேற்கண்ட ஐந்து எழுத்துரு மாற்றிகளையும் தமிழ்மணம் உறுப்பினர்கள், வாசகர்கள் மற்றும் யார் வேண்டுமானாலும் (பெயர்களை நீக்காமல்) பயன்படுத்திக்கொள்ளலாம். அவர்களின் தளத்திலோ மற்றும் சி.டி. தொகுப்புகளிலோ தரவிறக்கி பயன்படுத்திக்கொள்ள இதனையே எனது சம்மதமாக எடுத்துக்கொள்ளவும்.

சுட்டியை சொடுக்கி பக்கங்கள் திறந்த பின்னர் "Save as" கட்டளை கொடுத்து உங்களின் கணினியிலேயே சேமித்துக்கொள்ளலாம். அல்லது சுட்டியில் மீது மவுஸை கொண்டு சென்று வலப்புறம் சொடுக்கி "Save target as" இட்டும் சேமித்துக்கொள்ளலாம்.

அன்புடன்
முஃப்தி

பாமினி to யுனிகோடு (சீர்மை)

Bamini/Sarukesi to Unicode (improved version)

பாமினி, சாருகேசி, ரோஜா, சரஸ்வதி, தென்றல், அருவி, ஃபிர்தவ்ஸ், ஜாஸ்மின், சிங்காரம் இன்னும் இதனை ஒத்த பல்வேறு எழுத்துருக்களில் எழுதப்பட்ட கட்டுரைகளை யுனிகோடில் மாற்றும்போது ஏற்பட்ட பிரச்சினைகளை சரிசெய்துள்ளேன். முக்கியமாக கமா(,) பிரச்சினை இனி இருக்காது. இந்த எழுத்துரு மாற்றிக்கு முன்னோடி நண்பர் சுரதா என்பதில் எவ்வித சந்தேகமும் இல்லை.

இனி மேலும் பல பாமினி/சாருகேசி எழுத்துரு இணையதளங்கள் யுனிகோடு இணையதளமாக மாற்றம் அடையும் என்று நம்பலாம்.

கீழ்கண்ட சுட்டியை சொடுக்கி எழுத்துருமாற்றியை பயன்படுத்திக்கொள்ளுங்கள். உங்கள் கணினியிலேயே சேமித்தும் பயன்படுத்திக்கொள்ளலாம். இணையதளங்களில் இறக்கி மற்றவர்களுக்கு அறிமுகப்படுத்தலாம்.

bamini2unicode (Cheermai)

இப்புதிய எழுத்துரு மாற்றியின் பயனை அறிந்துக்கொள்ள, கீழ்கண்ட வரியை தனியே இட்டு பாமினி அல்லது சாருகேசி எழுத்துருவாக மாற்றுங்கள். விடை சரியாக வருகிறதா?

cs;@hpy;> 'g+l;L"> mt;t+L> ah`{> [{yp> ]{> m/J

விடை:
உள்ளூரில், 'பூட்டு', அவ்வூடு, யாஹு, ஜுலி, ஸு, அஃது

பாமினி/சாருகேசி எழுத்துருக்களாக மாற்றப்பட்ட அச்சொற்களை ஏற்கனவே உங்களிடம் உள்ள பாமினி to யுனிகோட் மாற்றியில் அல்லது பாமினி மறுமொழி பெட்டிகளில் இட்டால் முழுமையாக மாற்றம் ஆகாமல் இருப்பதை காண்பீர்கள்.

அப்படியே இப்புதிய எழுத்துரு மாற்றியிலும் இட்டு பாருங்கள். விடைகள் சரியாக வருவதை காண்பீர்கள்.

பாமினி தட்டச்சு முறையை பயின்றவர்கள் இதனை பல்வேறு வகையில் பயன்படுத்திக்கொள்ளலாம்.

எ-கலப்பை 2.0 பாமினி

தமிழ் சகோதரர்கள் யுனிகோடுக்கு மாற வேண்டும் என்பதற்காக மிகுந்த சிரமத்துடன் 3 வகை தட்டச்சு முறைகள் எ-கலப்பை 2.0 வெளியீட்டில் கொண்டுவரப்பட்டிருக்கிறது. இதற்காக "தமிழா" நண்பர்களுக்காக தமிழ் சமுதாயம் நன்றிகடன் பட்டிருக்கிறது.

இதில் ஒரு சில விஷயங்களை அடுத்த பதிவில் சேர்த்தால் இன்னும் பொழிவுடன் காணப்படும். நான் எ-கலப்பை 2.0 பாமினி வெளியீட்டை யுனிகோடு தட்டச்சு முறைக்காக பயன்படுத்துவதால் அதில் கண்ட விஷயங்கள்:

i)
பாமினி தட்டச்சு உபயோகிப்பவர்கள், யுனிகோடில் நேரடியாக தட்டச்சு செய்வதற்கு எ-கலப்பை 2.0-வை உபயோகப்படுத்துகிறார்கள். ஹு, ஹூ, ஜு, ஜூ, ஷு, ஷூ" போன்ற எழுத்துக்களை தட்டச்சு செய்யமுடிவதில்லை. இதனை நிவர்த்தி செய்வதற்காக Microsoft word மற்றும் Microsoft Frontpage-ல் "ஹ, ஜ, ஷ" போன்றவற்றை தட்டச்சு செய்தபின்னர் கீழ்கண்ட படிகளை செய்யவேண்டியுள்ளது.

1. insert menu
2. symbol..
3. எழுத்துருவின் பெயரை தேர்வு செய்வது.
4. பிறகு " ு, ூ " என்ற குறிகளை தேர்வு செய்து insert விசையை சொடுக்குவது.

ii
ளூ தட்டச்சு செய்ய ளுh=ளூ என்ற முறை தற்போது உள்ளது. இதனுடன் @=ளூ என்ற மாற்றத்தையும் உடன் இணைக்கப்படவேண்டும்.

iii)
1) பாமினி: ~=ஷ
2) சாருகேசி: \=ஷ

எ-கலப்பை 2.0 பாமினி பதிப்பில் சாருகேசி முறையில் "ஷ" கொண்டுவரப்படுகிறது. இதில் ~=ஷ என்ற பாமினி முறை மாற்றத்தையும் அதிகப்படியாக இணைக்கப்பட வேண்டும். இதனால் இரண்டு முறை பழக்கம் உள்ளவர்களும் பயனடைவர்.

இவ்விஷயங்கள் புதிய பதிப்பில் சரிசெய்யப்படுவதற்காக "தமிழா"வுக்கு தெரியப்படுத்துவது மட்டுமே சரியான வழி என்றாலும்கூட, இந்த மூன்றையும் பிரச்சினையாக கருதும் நண்பர்கள், அதனை தீர்க்கும் வழியை தெரிந்துக்கொள்ளவேண்டும் என்பதற்காகவே இங்கு பதிவு செய்கிறேன்.